अपेन गोकर्णेश्वर नगरकार्य समितिको आयोजनामा अन्तर्राष्ट्रिय बाल दिवसका अवसरमा एक दिने नगर स्तरीय ट्यालेन्ट शो कार्यक्रम सम्पन्न भएको छ।
संसदीय अर्थ समितिका सभापति तथा सांसद माननीय सन्तोष चालिसेको प्रमुख आतिथ्यतामा सम्पन्न उक्त कार्यक्रममा गोकर्णेश्वर नगरपालिकाका उपप्रमुख सान्नानी लामा, अपेन केन्द्रका महासचिव कृष्ण बोहोरा, केन्द्रीय सदस्य निर्मल नेपाल , प्रवीणजंग थापा लगायतको उपस्थिति थियो ।
कार्यक्रममा विभिन्न विद्यालयका २ सय ५० भन्दा बढी विद्यार्थी, शिक्षक, प्रिन्सिपल, अभिभावकलगायतको उपस्थिति थियो । कार्यक्रममा आठ वर्ष मुनिका १५ मन्टेसोरी विद्यालयको सहभागिता थियो ।
कार्यक्रमलाई सम्बाेधन गर्दै प्रमुख अतिथि माननीय सन्तोष चालिसेज्यूले अपेनले यति सुन्दर कार्यक्रम गरेकोमा बधाई दिनुभयाे । आफू यस सस्थासँग आगामी दिनमा सहकार्य गर्न तयार रहेको उहाँले बताउनुभयो । विशिष्ट अतिथि उपप्रमुख लामाले पिन नगरपालिका अपेनसँग सहकार्य गर्दै अगाडि बढ्न तयार रहेको जानकारी गराउनुभयो ।
सहभागीहरूलाई पदक, प्रशंसा पत्र तथा मायाको चिनाे प्रदान गरिएको थियो । कार्यक्रमको सभापतित्व अध्क्षय प्रकाश अधिकारीले गर्नु भएको थियो भने सञ्चालन जानकी खड्काले गर्नु भएकाे थिय । कार्यक्रममा उपाध्यक्ष्य लक्ष्मी पुडासैनीले धन्यवाद ज्ञापन गर्नु भएकाे थियो । सहभागी तथा अतिथि सबैलाई सदस्य विनोद खनालले स्वागत गर्नुभएको थियो। कार्यक्रमको संयोजन खड्का तथा सीता पाण्डेले गर्नु भएको थियो ।
प्रतिक्रिया दिनुहोस्